Një shqiptar është gjetur i pajetë në një depo në Greqi. Mësohet se trupi i 55-vjeçarit, identiteti i të cilit nuk bëhet i ditur, është gjetur ditën e shtunë në fshatin Shën Seraphim, ndërkohë që lajmi është bërë i ditur sot.
Siç raportojnë mediat greke, bazuar tek informacionet e policisë, mësohet se burri ka qenë i gjakosur në fytyrë, ndërsa po hetohet mbi shkaqet e vdekjes së tij.
Aktualisht policia po punon për zbardhjen e rrethanave të ngjarjes.
