Esat Mala është një nga lojtarët më të mirë të Partizanit i cili gjatë 2 viteve të fundit ka shfaqur një formë të lartë. Por prej kohësh Esat Mala luante me skuadrën e dytë të Partizanit si një formë ndëshkimi për mosmarrëveshjet e lojtarit me klubin rreth rinovimit të kontratës.
Dhe meqë situata është emergjente te “demat”, sfida e kësaj fundjave me Tiranën vendos thuajse përfundimisht fatin e shanseve për titull, drejtuesit kanë vendosur të bëjnë paqe me Malën, i cili do t’i rikthehet skuadrës së parë.
Mesfushori vetëm ditën e djeshme ka luajtur në derbin e skuadrave të dyta mes Tiranës B dhe Partizanit B, ndërsa ditën e premte do të jetë i gatshëm në ndeshjen që luhet në “Air Albania” mes skuadrave të kryeqytetit.
Mesfushori 21-vjeçar në total ka luajtur 62 ndeshje në kampionat duke shënuar dhe 4 gola, një ndër ta i dha fitoren skuadrës në derbin e 28 shtatorit të 2018-s ndaj Tiranës.
