Koronavirusi po trajtohet me seriozitet në shumë vende të botës, pasi numri i të prekurve edhe pse jo në shifra alarmante është rritur.
Duke parë këtë situatë, virusi ka prekur edhe botën e futbollit. Në Itali, ku gjendja ka qenë e rënduar, në fundjavën e kaluar u anuluan disa ndeshje të Serisë A, ndërsa tashmë është vendosur që kjo javë të luhet me dyer të mbyllura për tifozët.
Sakaq, në verë është edhe një event shumë i rëndësishëm në botën e futbollit si Kampionati Europian, i cili në këtë edicion është parashikuar të zhvillohet në disa qytete.
Zv/presidenti i UEFA-s, Michele Uva në një intervistë për Rai-n, është shprehur se kompeticioni i madh do të mbyllet vetëm nëse situata nga virusi do të përshkallëzohet.
“Tani jemi në fazën pritjeje. Po monitorojmë çdo shtet dhe futbolli duhet të ndjekë urdhrat e shteteve përkatëse. Euro 2020 do të mbyllet vetëm nëse situata përkeqësohet”.
