Mundësia për të pasur një vaksinë kundër koronavirusit po afrohet. Ndërmarrja bioteknike amerikane “Moderna” ka njoftuar se ka dërguar grupin e parë të vaksinës eksperimentale mRNA-1273 tek Instituti Kombëtar i Alergjive dhe Sëmundjeve Infektive (Niaid) në SHBA, për të filluar fazën 1 të provës klinike te një numër i vogël njerëzish.
Moderne, në bashkëpunim me studiuesit e Qendrës Kërkimore të Vaksinës Niaid, ka përdorur një molekulë të quajtur mRNA që transferon informacionin gjenetik në qeliza, duke imituar një infeksion natyror për të stimuluar një reagim imunitar më të fuqishëm.
Vaksina mund të imitojë proteinën e quajtur “spike” që gjendet në koronavirusin e ri dhe koronaviruset e tjera, siç është ajo e Sindromës Respiratore Akute të Rëndë (Sars) dhe Sindromës Respiratore së Lindjes së Mesme (Mers).
Më 7 shkurt, drejtori i Niaid Anthony Fauci tha se nëse do të ketë sukses, provat fillestare klinike do të fillojnë brenda dy muaj e gjysmë për të testuar sigurinë e vaksinës në një grup të vogël njerëzish.
Ditët e fundit, Kina ka njoftuar se ka filluar testimin te kafshët, ndërsa Australia ka përfunduar fazën e testimit laboratorik për vaksinën e sintetizuar nga studiuesit e Universitetit të Queensland.
/BoldNews/
