Drejtori i Spitalit të Kavajës Përparim Daiu, ka përgënjeshtruar lajmin e dorëheqjes. Disa minuta më parë në media u raportua se ai ka dhënë dorëheqjen pas një përplasje me kryebashkiakun e Kavajës Redjan Krali.
Ndërkohë që ish-kryeministri Sali Berisha publikoi një denoncim të një qytetari, i cili theksonte se Daiu është kërcënuar nga Krali, pasi i ka kundërshtuar urdhrin për ngritjen e karantinës në Spitalin e Kavajës.
I kontaktuar nga Boldnews.al, lidhur me lajmin për dorëheqjen, Daiu ka thënë se është e pavërtetë.
Ai u shpreh për Boldnews.al se vijon të qendrojë në detyrë, dhe lajmi është i pavërtetë.
Biseda e Daiut me gazetarin e Boldnews.al:
Gazetari: Zoti Daiu para pak minutash është përhapur një lajm në media për dorëheqjen tuaj, e cila sipas medias që ka publikuar lajmin thuhet se vjen pas një përplasjeje tuajën me kryebashkiakun Redjan Krali. Si qëndron e vërteta?
Daiu: Lajmi është i pavërtetë unë vijoj të qëndroj në detyrë.
Gazetari: Po për debatin me zotin Krali lidhur me ngritjen e një karantine në spitalin e Kavajës?
Daiu: Unë vijoj të qëndroj në detyrë, kjo ka rëndësi, të tjerat janë të parëndësishme. /Boldnews.al
