Kryetarja e LSI-së Monika Kryemadhi gjatë një takimi me gratë e kryeqytetit ndau shqetësimin për situatën e rëndë ekonomike të në cilën po kalon vendi dhe për mënyrën sesi duhet të dalim nga kjo gjendje. Sipas Kryemadhit, vendi është në kolaps, ekonomia në gjendje tepër të rëndë dhe populli në skamje.
Ajo bëri thirrje që zgjidhjen të mos e gjejmë tek emigrimi, por tek kthimi i Shqipërisë në shtëpinë e gjithë shqiptarëve
Deklarata e plotë
Papunësia, çmimet e larta, taksat e rritura të bashkive apo ato mbi pronën po dëmtojnë familjen shqiptare. Ashtu si sot me këta banorë të Tiranës, të cilët ndër të tjera vuanin mungesën e çerdheve dhe kopshteve në zonën e tyre, apo shtrenjtimin e faturës së ujit dhe të transportit publik, ne jemi pranë tyre, shtëpi më shtëpi e në çdo zemër.
Njerëzit e thjeshtë janë burimi i forcës dhe misioni i punës tonë, që do vijojmë pa reshtur deri në krijimin e mundësive më të mëdha për rininë, për biznesin, për punëtorin dhe familjarin e thjeshtë, që zgjidhja të mos jetë më mes emigrimit dhe nënshtrimit por ta kthejmë Shqipërinë në shtëpinë e gjithë shqiptarëve.
