Në një kohë që alarmi për përhapjen e koronavirusit është më i madh se kurrë, pasi në Itali ka arritur në 3 numri i viktimave, kryeministri Edi Rama në vend që të fliste për masat e marra sulmoi sërish mediat.
Kreu i qeverisë shqiptare ju bëri thirrje shqiptarëve që mos dëgjojnë mediat se çfarë shkruajnë për koronavirusin, ndërsa theksonte se në vendin tonë nuk ka nevojë për alarm.
Lidhur me këtë deklaratë të kryeministrit Rama ka reaguar edhe analisti Andi Bushati.
Përmes një postimi në facebook, Bushati me ironi shkruan se ka lider edhe më të egër se Rama, pasi presidenti kinez ka burgosur 351 persona për përhapje lajmesh të rreme për koronavirusin, pavarësisht se në Kinë ky virus ka bërë namin.
Ja postimi i Bushatit:
Edi Rama ka bërë sot një status kundër atyre që përhapin lajme të rreme për koronavirusin. Deri me tani regjimi kinez i Xi Jinpingut ka arrestuar 351 persona për perhapjen e lajmeve të rreme dhe ka dëbuar tre korespondentë të ‘Ëall Street Journal’ për të njëjtën gje. Ka gjithmonë edhe më keq.
