Një aksident i rëndë ka ndodhur pasditen e sotme në Belsh. Sipas informacioneve paraprake, një automjet ka përplasur një motoçikletë. Për pasojë është plagosur drejtuesi i kësaj të fundit.
Identiteti i të moshuarit ende nuk bëhet me dije por mësohet se është transportuar drejt spitalit për të marrë ndihmë mjekësore.
Policia dhe grupi hetimor ndodhen në vendngjarje për të zbardhur rrethanat dhe shkaqet e aksidentit. Dyshohet se shkak i përplasjes është bërë shpejtësia tej normave të lejuara.
Drejtuesi i automjetit është shoqëruar në komisariat për veprime të mëtejshme hetimore.
