Frika nga koronavirusi/ Barcelona do kalojë kontroll të imtësishëm para sfidës me Napolin

Italia është bërë një kazermë e vërtetë pas përhapjes masive të koronavirusit “Covid-19” në veri të Italisë.

Të gjithë udhëtarët që zbarkojnë në Itali i nënshtrohen një kontrolli të hollësishëm mjekësor për të verifikuar nëse janë të prekur apo jo nga virusi vdekjeprurës.

Megjithëse qyteti i Napolit nuk ndodhet në zonën e rrezikshme, masat janë të njëjta.

Ndërkohë, Barcelona të martën do të zhvillojë aktin e parë të fazës së 1/8-ve të Champions pikërisht në stadiumin “San Paolo” ndaj Napolit.

LEXO EDHE  Tiranë/ Theu urdhrin për herë të dytë, i bllokohet lokali për 6 muaj

Katalanasit ditën e nesërme do të udhëtojnë drejt Italisë për të kryer dy stërvitje në stadiumin e Napolit, me qëllim ambientimin me të.

Me zbritjen në aeroport, as katalanasit nuk do të lejohen të largohen pa iu nënshtruar ekzaminimeve mjekësore.

I gjithë stafi i katalanasve do të ndalojë më parë në qendrën mjekësore të aeroportit dhe më pas në rast se çdo gjë është në rregull, lojtarët dhe stafi do të shkojnë të lirë.