Një aksident i rëndë ka ndodhur mbrëmjen e djeshme në Gramsh ku dy persona humbën jetën dhe 8 të tjerë u plagosën. Aksidenti ka ndodhur në afërsi të fshatit Çekrez.
Referuar të dhënave të fundit, automjeti tip “Fuoristradë”, drejtohej nga 28-vjeçari Mikel Gjeli.
Ai ka humbur kontrollin dhe ka dalë nga rruga duke rënë në një humnerë të thellë, rreth 140 metra.
Të plagosurit janë shtetas sirianë.
Ata tashmë ndodhen në spitalin e Traumës në Tiranë, ku po marrin ndihmë mjekësore, ndërsa kanë plagë të shumta në trup.
Të plagosurit nga ky aksident janë Syrjan Hamat 32-vjeç, Ali Qerredi 24 vjeç, Seif Azxherbahit 23-vjeç, Arnaif Merzhid 40-vjeç, Muhamet Nurhisi 33-vjeç, Abdyl Aliasiu 26-vjeç dhe një person tjetër emri i të cilit nuk bëhet i ditur.
