Burime shumë të besueshme bëjnë me dije se kanë nisur punimet në Spitalin e Kavajës për ta kthyer atë në Karantinë, në kushtet kur virusi mund të prekë dhe vendin tonë.
Konkretisht po vendosen dushet në cdo dhomë, dhe po lyhen ambjentet e patologjisë. Sot, spitali është vizituar nga zyrtarë të lartë të Ministrisë së Shendetësisë. Spitali i Kavajës gjendet në periferi të qytetit.
Lajmin e dha i pari dje ish-kryeministri Sali Berisha. Ai e denoncoi si të papërshtatshme, madje kriminale ngritjen e karantinës në një zonë urbane. Berisha tha se karantina duhet ngritur në zona të pabanuara për të shmangur rrezikun e infektimit të popullatës.
Prej kohësh, kërkohet të dihet nga qeveria se cfarë masash po merr, por kjo është mbajtur shumë e rezervuar. Burime serioze i bënë të ditur Mapo.al se kanë nisur punimet dhe instalimet e paisjeve të nevojshme, pikërisht në spitalin e Kavajës./mapo.al/
LEXO EDHE:
Berisha publikon denoncimin: Karantinë është zgjedhur Spitali i Kavajës, kërcënuese për komunitetin
