Kryetarja e LSI-së, Monika Kryemadhi, ka thumbuar ambasadorët lidhur me protestën e thirrur nga Presidenti Ilir Meta më 2 mars, në atë që e quan si lëvizja për çmontimin e “grushtit të shtetit”.
Kryemadhi tha se 2 marsi është një datë e rëndësishme jo për ne, por për ndërkombëtarët që kërkuan Komisionin e Venecias.
“Nëse ka një të huaj apo një ndërkombëtar që bie dakord me falsifikimin e Etilda Gjonaj, që ka shansin të tregojë bashkëpunëtorët e saj që e shtrënguan për të ardhur në këtë pikë, atëherë jo vetëm turp për ata, por mos ua pafshim më bojën kurrë”, tha Kryemadhi nga Shkodra.
Sipas saj, nëse këta ambasadorë janë mashtruar dhe janë gënjyer në mënyrë permanente dhe unë e besoj këtë të fundit, sepse është shumë e kollajshme që një qeveri t’iu imponohet trupit diplomatik sepse ambasadat këtu nuk punojnë as me opozitën dhe as me popullin.
“Ambasadat këtu punojnë me qeveritë dhe është normale sepse dhe ambasadat tona që janë në shtetet e tjera punojnë me qeveritë.
Duhet të kuptojnë se rreziku, i cili sot kanos Shqipërinë shumë shpejt do të trokasë në dyert e shtëpive të tyre se të shtetit ka hyrë, por në dyert e shtëpive të tyre sepse spaçatorët e Edi Ramës pasi kanë përfunduar punë me fëmijët e shqiptarëve do të shkojnë tek fëmijët e tyre dhe në këtë botë çdo gjë lahet, asgjë nuk ngelet mangët sepse spaçatorët e Edi Ramës pasi të kenë mbaruar dhe me fëmijën e fundit të shqiptarëve do të drejtohen në shkollat e europianëve dhe nga Europa do të dalin në vende të tjera sepse i mbyllën sytë për kanabizimin e Shqipërisë në 2016-ën dhe sot jemi kështjella e pamposhtur e trafikut të kokainës, të heroinës dhe të shumë gjerave të tjera. Dhe normal që problemet do të vijnë duke u shtuar”, tha ajo.
