Juventusi përballet sot në transfertë kundër Spal-it të Berishës, ndeshje kjo e vlefshme për javën e 25-të në Serinë A.
Një ndeshje e lehtë në letër bardhezinjtë, duke parë që kundërshtarët gjenden në vendin e fundit të tabelës së klasifikimit. Në këtë ndeshje, Gianluigi Buffon dhe Cristiano Ronaldo pritet të shkruajnë historinë. Buffon aktualisht numëron 647 paraqitje në Serinë A një rekord që e ndan me Paolo Maldinin ndërsa sot 42-vjeçari ka mundësinë të jetë lojtari me më shumë ndeshje në historinë e kampionatit italian.
Me bardhezinjtë të cilët luajnë në ligën e Kampioneve kundër Lyonit në mesjavë, portieri titullar, Wojciech Szczesny, këtë ndeshje pritet të pushojë duke i dhënë mundësinë Buffon-it të arrijë këtë rekord.
Nga ana tjetër për Cristiano Ronaldon, kjo ndeshje do të jetë ndeshja e 1000-ta për të si futbollist profesionist. Portugezi gjithashtu do të kërkojë golin e 12-të radhazi në Serinë A.
Spal-Juventus luhet në orën 18:00.
