Policia ka dalë me një informacion paraprak lidhur me aksidentin tragjik të regjistruar mbrëmjen e sotme në Çekrez, Gramsh.
Policia ka konfirmuar se si pasojë e aksidentit kanë mbetur 2 viktima, ndërkohë 8 të tjerë janë plagosur..
“Shtetasi M.Gj., 28 vjeç, banues në Tiranë, duke drejtuar mjetin tip “Fuoristradë”, ka dalë nga rruga dhe për pasojë kanë humbur jetën 2 shtetas dhe janë plagosur 8 shtetas të tjerë” -thuhet në njoftimin e policisë.
Të plagosurit janë transportuar në Spitalin e Gramshit dhe ndodhen nën kujdesin e mjekëve.
Dyshohet se automjeti po transportonte klandestinë, shtetas sirianë, që e kanë përdorur Shqipërinë si tranzit për të dalë në vendet e BE-së.
Ndërkohë mësohet dhe se asnjë prej viktimave nuk është shtetas shqiptar
Grupi hetimor ndodhet në vendngjarje dhe po punon për zbardhjen e shkakut të aksidentit.
