Sergio Ramos është në përfundim të kontratës së tij me Realin e Madridit. Sipas mediave spanjolle, “Los Merengues” po përgatiten t’i ofrojnë kontratën e re mbrojtësit.
Një temë e nxehtë kjo në klubin “merengues”, pasi Ramos është një ikonë e klubit dhe do të ishte e vështirë për tifozët e Realit të shihnin një tjetër legjendë teksa largohet nga klubi.
Në lidhje me këtë çështje ka folur edhe trajneri i skuadrës, Zinedine Zidane, i cili ka deklaruar që gjithmonë dëshiron ta ketë Ramos-in në skuadrën e tij dhe shpreson që negociatat e rinovimit të jenë thjesht një procedurë.
“Sergio Ramos është kapiteni dhe lideri ynë. Gjithmonë dua ta kem atë si pjesë të ekipit. Klubi është duke punuar për të rinovuar kontratën me të dhe shpresoj që gjithçka do të jetë një procedurë normale”.
