Një profesor i historisë bashkëkohore në Universitetin e Oksfordit, Britani e Madhe, e ka quajtur qeverinë Rama, “regjim të narko-mafies”.
Profesor Mark Almond reagon për zhvillimet e fundit në politikën shqiptare, duke komentuar lëvizjen e kreut të shtetit Ilir Meta, i cili ka thirrur një tubim në Tiranë më 2 Mars, kundër qeverisë, që siç shprehet ai, po organizon një “grusht shteti” me qëllim kapjen e Gjykatës Kushtetuese.
Në një postim në rrjetin social Twitter, Almond shkruan: “Kriza politike e Shqipërisë po nxehet. Presidenti Meta duke bërë thirrje për protesta në 2 Mars kundër Kryeministrit EdiRama. Rama doli në pah gjatë protestave ‘anti-korrupsion’ të vitit 1997. Tani, qeveria e tij shihet si një regjim narko-mafioz, por kandidat për Bashkimin Europian”.
