Gjatë ditës së dytë të testeve të Formula 1 në pistën e Montmelo të gjithë mbetën të habitur nga lëvizja para e mbrapa që bënte timoni i makinës Mercedes të Lewis Hamilton.
Kjo solli edhe akuza, se ky veprim i makinës gjermane është i paligjshëm, duke shkelur rregullat e garës. Kur niste pjesa e drejtë, timoni shkonte pas, duke sjellë edhe një konvergjencë ndryshe të gomave, ndërsa në fund të pjesës së drejtë timoni shkonte sërish në vend.
Drejtori teknik i Mercedes, James Allison, përmes një postimi në “Twitter” ka zbuluar vetë për çfarë bëhet fjalë, duke u shprehur se gjithçka është legale dhe brenda rregullave. “Ishte një ide e re e aplikuar që duhet DAS (Dual Axis Steering) dhe dua të them që është tërësisht i ligjshëm. Një dimension që mund të jetë i dobishëm gjatë vitit, diçka që nuk duam t’ua themi të tjerëve për sa i përket përdorimit të tij, ndaj do ta mbajmë për veten tonë”, tha Allison.
“Për këtë sistem të ri kemi biseduar me FIA. Rregullat flasin qartë dhe mendoj se gjithçka e përgatitur nga ne është brenda normave të lejuara. Ditët në vijim do të shohim nëse ia vlen ta përdorim apo jo”, tha Allison.
https://twitter.com/MercedesAMGF1/status/1230504146064814081?ref_src=twsrc%5Etfw%7Ctwcamp%5Etweetembed&ref_url=https%3A%2F%2Ftelesport.al%2Fmercedes-mbrohet-pas-akuzave-per-timonin-levizes-legal-dhe-brenda-rregullave
