Koreja e Jugut ashpërson masat për të frenuar përhapjen e koronavirusit të ri vdekjeprurës, ndërsa numri i të infektuarve u rrit ndjeshëm për të dytën ditë radhazi.
Kryeministri Chung Sye-kyun tha se situata është emergjente dhe qytetet jugore të Daegu dhe Cheongdo, u shpallën zona të kujdesit të veçantë.
“Qeveria do të ndërmarrë masa të posaçme, duke i shpallur qytetet e Daegu and Cheongdo, si zona të kujdesit të veçantë, pasi atje janë raportuar rritje të befta të rasteve me koronavirus”, deklaroi kryeministri koreano-jugor Chung Sye – Kyun.
Koreja e Jugut ka izoluar gjithashtu ushtrinë, pasi disa ushtarë rezultuan pozitivë ndaj koronavirusit. Autoritetet kanë udhëzuar gjithashtu 9 mijë pjesëtarët e një grupi fetar të vendosën në karantinë, pasi sekti u identifikua si vatër e virusit. Të premten, autoritetet raportuan 52 raste të reja të konfirmuara pas 53 rasteve të një dite më herët. Koreja e Jugut numëron një total prej 156 rastesh, duke u kthyer në vatrën më të madhe jashtë Kinës kontinentale, dhe anijes me turistë të ankoruar në Japoni.
Ndërkaq në epiqendrën e virusit, Covid-19, numri i të viktimave ka shkuar në 2236 ndërsa të prekurit janë mbi 75 mijë. Virusi është përhapur gjithashtu në vende të tjera të botës, me mbi 1 mijë raste infeksionesh dhe disa të vdekur në Azi, Europë, SHBA dhe Afrikë.
Pasagjerët e anijes kroçierë Diamond Princes që kanë rezultuar negative ndaj virusit, vazhdojnë të evakuohen nga mjeti lundrues në portin e Yokohamës në Japoni. Përpos 14 ditëve te kaluara në karantinë në anije, shumë prej tyre do të qëndrojnë në izolim edhe për dy javë të tjera në vendet e origjinës.
DENONCO