Barcelona ka zyrtarizuar marrëveshjen me sulmuesin Martin Braithwaite, nga skuadra e Leganes-it.
Blaugranasit kanë paguar klauzolën e largimit të lojtarit prej 18 milionë eurosh, duke i siguruar 28-vjeçarit, një kontratë deri në qershor të vitit 2024.
“Përveç golave që shënon, danezi njihet si një lojtar që vrapon shumë në fushën e lojës duke qenë agresiv. Gjithashtu ai është një lojtar i mrekullueshëm në kombinime. Me pak fjalë ai është një dhimbje koke për çdo mbrojtje që duhet të përballet me të”, shkruan mes të tjerash Barcelona në postimin e zyrtarizimit të sulmuesit.
Kjo është cilësuar një blerje emergjente për Barcelonën, të cilët vuajnë në repartin ofensiv me dëmtimet e Luis Suares dhe Ousmane Dembele.
https://twitter.com/FCBarcelona/status/1230436123580739584
