Mazhoranca parlamentare e ka kundërshtuar moratoriumin nga Vetingu të propozuar nga opozita e bashkuar, për gjyqtarët që do merren me çështjet zgjedhore me arsyen sepse do të kontrollojë mekanizmat e kapjes së drejtësisë dhe Kolegjit Zgjedhor.
Ish-deputeti i Partisë Demokatike, Oerd Bylykbashi, i cili është pjesë e Këshillit Politik, tha se propozimet e PD janë themelore dhe nuk do lejojnë që zgjedhjet të zhvillohen pa gjykata të pavarura, ku qytetarët nuk kanë mundësi të ankimojnë.
“Propozimi i sotëm ishte shumë i rëndësishëm që ankimimi të bëhej në një gjykatë të pavarur dhe të paanshme.
Ky ka qenë një shqetësim i OSBE-së, ku thuhej se gjyqtarët ishin nën presionin e Vettingut. Ky është një rekomnadim prioritar, dhe pa një gjykatë të pavarur procesi zgjedhor nuk mund të jetë i skatë. Pati një reagim të fortë nga maxhoranca për të vijuar me mekanizmat për kapjen e gjyqësorit”, u shpreh Bylykbashi.
Sipas tij, “pati një reagim shumë të fortë nga mazhoranca e cila do të vazhdojë të kontrollojë mekanizmat me të cilat ata sot kapin gjyqësorin”.
“E drejta për t’ju drejtuar një gjykate të paanshme dhe të pavarur, i cili për fatin e keq të shqiptarëve jo vetëm nuk u garantohen zgjedhje por u mohohet edhe e drejta për tu ankuar në një gjykatë të pavarur dhe funksionale”, tha Bylykbashi.
