Marina Mbretërore në Britaninë e Madhe prezantoi aeroplanmbajtësen e saj më të re të quajtur “Princi i Uellsit”, e cila u nis për lundrimin e saj të parë drejt Liverpool.
Qindra persona dhe kureshtarë ishin të pranishëm në portin e Portsmouth për të parë nga afër mjetin lundrues 65 mijë tonësh, i cili ka kushtuar plot 3.7 miliardë euro.
Oficeri komandues, Darren Houston deklaroi se ai dhe i gjithë stafi prej 700 marinarësh janë të emocionuar që lundrimin e parë kjo anije luftarake e nisi dhe do të qëndrojë pikërisht në Liverpool.
Luftanija do të qëndrojë në Liverpool deri në 29 shkurt dhe do të jetë e hapur për t’u vizituar nga publiku.
