Të tjera dyshime shtohen në lidhje me masakrën me pesë viktima në Gjilan, ku u raportua se zyrtarja e policisë, Valdete Bllaca, vrau me armën e shërbimit dy prindërit, dy vellezërit e më pas veten një ditë më parë.
***
Në rrugë jozyrtare, Klan Kosova ka mësuar se një motiv i pakonfirmuar që çoi te kjo tragjedi, ishte shitja e banesës. Vëllai i madh i shtëpisë, i cili nuk u lejua të shesë banesën, ka vrarë fillimisht vëllain e vogël, e më pas prindërit.
E shokuar nga masakra që po ndodhte, dyshohet se vajza e shtëpisë (zyrtarja e policisë Valdete Bllaca), ka ndërhyrë duke vrarë vëllanë e madh e më pas veten.
Nga burime jo zyrtare mësohet se të tre fëmijët e familjes Bllaca, vuanin nga probleme të depresionit dhe karakterizoheshin me paqëndrueshmëri emocionale.
Kujtojmë se një ditë më parë u publikuan pamjet e rënda, ku nxirreshin nga banesa trupat e pesë viktimave. Trupat e viktimave u dërguan për ekspertizë mjeko-ligjore.
