Interi luan ditën e nesërme në trasnfertë kundër Ludogorets, ndeshje e vlefshme për fazën e 1/16-ve të Europa League.
Një ndeshje e lehtë në letër kjo për zikaltërit dhe për pasojë Antonio Conte pritet të bëjë një rotacion në skuadrën e tij, pasi menjëherë pas dy ndeshjeve me bullgarët dhe takimit me Sampdorian në kampionat, i presin transfertat ndaj Juventusit në “Allianz Stadium” dhe Napolit në “San Paolo”, në sfidën e kthimit të Kupës së Italisë.
7-të lojtarë të Interit nuk kanë udhëtuar me skuadrën në Bullgari, ku bëhet fjalë për Handoanoviç, Sensi, Gagliardini, Esposito, Bastoni që janë të dëmtuar ndërsa Brosovic e Skriniar janë lënë pushim nga Conte.
Të pranishëm do të jenë De Vrij dhe Lukaku por do ta nisin ndeshjen nga pankina. Ndërkohë që sulmin pritet ta udhëheqin dyshja Lautaro Martinez-Alexis Sanchez.
Prioritet e Interit janë të qartë për këdo, teksa triumfi në Serinë A është objektivi kryesor i skuadrës dhe menaxhimi i mirë i situatës në këtë pikë të sezonit është vendimtare për objektivat e vendosura.
