Brian Hickerson është arrestuar pasi dyshohet se ka ushtruar dhunë fizike ndaj aktores së njohur, Hayden Panettiere.
Ngjarja ka ndodhur ditën e Shën Valentinit në orët e para të mëngjesit dhe sipas “TMZ”, Brian e ka goditur aktoren me grusht në anën e majtë të fytyrës.
Mësohet se policinë e ka thirrur fqinji i tyre, i cili kishte dëgjuar ulërimat e 30-vjeçares.
Kur mbërriti policia, aktorja ka qenë e gjakosur dhe u ka thënë autoriteteve se ngjarja ka ndodhur në dhomën e tyre të gjumit. Teksa po flinin, Brian ishte çuar duke e përplasur nëpër dhomë dhe e kishte goditur me grusht.
Tashmë ai ndodhet në polici dhe ka mohuar krimin.
Kujtojmë që kjo nuk është hera e parë që i dashuri i Hayden është arrestuar, pasi ai edhe më herët ka pasur probleme me drejtësinë.
Pak muaj më parë dyshja i kishin dhënë fund marrëdhënies së tyre, pasi biznesmeni ushtroi dhunë mbi aktoren, megjithatë ajo e fali por paska bërë gabim sepse historia është përsëritur dhe aktorja u dhunua sërish.
