Borussia Dortmund sfidon në “Signal Iduna Park”, francezët e PSG-së, në ndeshjen e parë të fazës 1/16-ave të Ligës së Kampioneve.
Nga ajo çfarë kanë treguar këtë sezon, verdhezinjtë janë një forcë e vërtetë për sa i përket repartit ofensiv por në prapavijë skuadra ka shfaqur dobësi, teksa në 8-të ndeshjet e fundit kanë shënuar 28 gola ndërsa kanë pësuar 15 të tillë.
Nga ana tjetër, dihet nga të gjithë forca e skuadrës së PSG-së, të cilët me një sulm me lojtarë të tillë si Mbappe, Cavani, Icardi, dhe Neymar trembin çdo skuadër në Europë. Do të jetë një ndeshje mjaft e rëndësishme për francezët, duke ditur që 3 vitet e fundit skuadra është eliminuar pikërisht në këtë fazë të Ligës së Kampioneve.
Për sa i përket mungesave, Dortmundi është ajo që vuan më shumë, për të cilët do të mungojnë Julian Brandt dhe Marco Reus. Ndërsa kampionët e Ligue 1 në Francë nuk do të kenë asnjë mungesë të rëndësishme.
Formacionet e mundshme:
Borussia Dortmund: Burki, Hakimi, Piszczek, Hummels, Akanji, Guerreiro, Witsel, Can, Sancho, Haaland, Hazard
PSG: Navas, Meunier, Marquinhos, Silva, Bernat, Gueye, Verratti, Di Maria, Neymar, Mbappe, Icardi
