“Po të dëgjoj” është turi i Kryetarit të Partisë Demokratike, Lulzim Basha, i cili sot u ndal në qytetin e Elbasanit, ku pati një bisedë me disa punëtorë ndërtimi.
Në një video të postuar në rrjetet sociale, Basha ka ndarë disa momente nga bisedat që ka zhvilluar me punëtorët, teksa të gjithë së bashku janë ulur të hanë pace në një restorant tradicional.
Basha i pyet punëtorët për problemet dhe ata ankohen për pensionin e ulët dhe taksat e larta.
Madje, kreu demokrat nuk ka nguruar të bëjë një vlerësim edhe për paçen e kokës, që pasi e ka porositur, thotë është e shkëlqyer.
Dialogu
Basha: Mirë se ju gjej. Përshëndetje, po ulem këtu te ju se paskeni filluar me vonesë për vete më duket apo jo? Të gjithë nga Elbasani jeni?
Punëtorët: Po edhe nga rrethinat. Dora jote jemi, den baba den
Basha: Edhe unë dora juaj. Cfarë paçje është, paçe koke?
Kamarieri: Po
Basha: Shkëlqyeshëm!
Basha: Problemi kryesor që keni me të përditshmen? Çfarë është? Si prindër, si kryefamiljarë?
Punëtorët: Po të gjitha….duhet lekët përditë…
Një tjetër punëtor: Ekonomia…
