Kryeministri Edi Rama ka uruar, përmes rrjeteve sociale, Kosovën për 12 vjetorin e shpalljes së Pavarësisë.
Rama ka postuar një video të flamurit të Kosovës brenda së cilës ka vendosur diciturën, “Gëzuar”, ndërsa përkrah saj shprehë për të gjithë shqiptarët urimet për festën e Pavarësisë, duke kujtuar edhe ata që dhanë jetën për këtë ditë.
“Urime ditën e bekuar të Pavarësisë së Kosovës të gjithë shqiptarëve kudo që ndodhen dhe i përjetshëm qoftë kujtimi i atyre që dhanë jetën për këtë ditë”, shkruan Rama.
Në videon e publikuar nga Rama përfshihet himni i Kosovës si dhe harta e saj, si dhe Flamuri i shtetit më të ri në Europë.
Rama ka shmangur çdo simbol kombëtar, ndërsa ka preferuar të përdorë ato shtetërore, edhe pse nga Kryeministri i Kosovës, Albin Kurti, u pohua në Tiranë se prioritet do të jetë makro-shengeni shqiptar.
