Aurora Grazini, një 17 vjeçare shqiptare, u gjet nga familjarët e saj, e pajetë, ndërsa autoritetet kanë nisur hetimet.
17-vjeçarja u gjet në shtëpinë ku banonte me familjen e saj në Montefiascone, Viterbo, në Itali.
Mediet italiane shkruajnë se vajza kishte pak kohë që ishte ndarë nga i dashuri i saj, dhe duket se e ka përjetuar keq këtë situatë.
Madje, kohët e fundit adoleshentja kishte pasur edhe probleme shëndetësore, si ankth dhe pagjumësi. Nëna e saj e kishte çuar edhe në spital, pasi vajza javët e fundit kishte humbur shumë peshë dhe ishtë në ankth.
Po kështu, i kishin rezervuar edhe një takim me një neurolog, të cilin e bëri kurrë. Nuk dihet ende nëse ajo ka pirë diçka që mund t’i ketë marrë jetën apo shkak mund të jetë një sëmundje.
Mediat italiane shkruajnë se për t’iu përgjigjur mijëra dyshimeve për tragjedinë, pritet autopsia. Zv/prokurori i Viterbo, Eliana Dolce, ka hapur një hetim me hipotezën e vrasjes, aktualisht kundër personave të panjohur. Trupi i 17-vjeçares pritet t’i nënshtrohet ekzaminimeve mjeko-ligjore të martën, ku pritet të hidhet më shumë dritë mbi shkakun e vdekjes së Aurora Grazinit.
Për të konstatuar nëse adoleshentja është goditur nga një sëmundje e papritur, ndoshta nga një sëmundje e lindur, ose nëse ka marrë ndonjë substancë, do të jenë testet laboratorike, testet histologjike dhe toksikologjike.
Ministri i Shëndetësisë, Roberto Speranza, gjithashtu dërgoi një grup pune për të kontrolluar nëse nga mjekët në spitalin e Viterbos është bërë gjithçka e nevojshme.
“Ne do të kontrollojmë procedurat e kryera në spital”, deklaroi këshilltari rajonal i shëndetit Alessio D’Amato.
Aurora, e cila ndoqi vitin e tretë të kontabilitetit në kolegjin me emrin e Gjeneral Carlo Alberto Dalla Chiesa, kishte disa javë që përjetonte një ndarje nga i dashuri i saj. Ajo kishte reaguar në mënyrën më të keqe në fund të marrëdhënies me të dashurin e saj, më të madh se ajo.
Mediat italiane shkruajnë se vajza e saj nuk tregoi shenja rikuperimi dhe se ajo gjithashtu kishte humbur peshë. Nëna e saj në orët e pasdites së të premtes e kishte shoqëruar atë në spitalin Belcolle në Viterbo. Për mjekët e vlerësuan gjendjen si asgjë më shumë se një krizë ankthi.
Ajo nuk shfaqte probleme fizike dhe si duket nuk vuante nga ndonjë patologji e veçantë. Në shtëpi, pjesa tjetër e ditës kishte kaluar në heshtje. Aurora kishte shkuar për të fjetur, por kur, në orën 08:00 të së premtes, anëtarët e familjes hynë në dhomën e saj, e gjetën të shtrirë në shtrat pa ndjenja.
Ata dhanë alarmin dhe drejt banesës Grazini ndërhynë ekipet e emergjencës, të cilët nuk mund të ndihmonin adoleshenten, por vetëm konstatuan vdekjen e saj. Pasi kryen një kontroll dhe dëgjuan prindërit dhe motrën më të madhe të Aurorës, karabinierët e Montefiascone, më pas, filluan të mbledhin dokumentacionin mjekësor, si në spital, ashtu edhe me mjekun e familjes.
