Haiti është tronditur nga një ngjarje tepër e rëndë pasi 15 fëmijë kanë gjetur vdekjen nga një zjarr që përfshiu një jetimore.
Mediat e huaja raportojnë se dy prej fëmijëve u dogjën menjëherë sapo zjarri shpërtheu në jetimoren e ngritur në periferi të kryeqendrës, Port-o-Prens.
Ndërkohë 13 të tjerë vdiqën në spital si pasojë e asfiksisë. Ekipet e emergjencës arritën në vendin e ngjarjes me motoçikleta dhe nuk kishin oksigjen dhe mjetet e nevojshme për t’i transportuar fëmijët në spital.
Ky fakt ka shkaktuar polemika të mëdha në vend pasi ragjedia zbuloi edhe faktin se jetimorja, e cila strehonte rreth 60 fëmijë, nuk kishte leje për të operuar.
