UEFA ka vepruar me dorë të hekurt ndaj shkeljeve të Manchester City-t për sa i përket transferimeve të lojtarëve.
Organi më i lartë i futbollit Europian, ka dënuar skuadrën angleze me 2 vite mospjesëmarrje në Ligën e Kampioneve apo të çdo lloj kompeticioni tjetër evropian.
Ky lajm ka befasuar të gjithë, por jo presidentin e La Ligës, Javier Tebas, i cili në një intervistë për “AS”, ka deklaruar që kjo që duhej të ndodhte vite më parë, pasi sipas tij kërkesat për shkeljet e Man.City-t dhe PSG-së i janë bërë të ditur UEFA-S vite më parë.
“UEFA po ndërmerr veprime më në fund. Po respekton rregullat e FPF dhe po ndëshkon ata që shkelin rregullat thelbësore për të ardhmen e futbollit. Prej vitesh kemi kërkuar veprime të ashpra kundër Manchester City dhe PSG, më në fund u bë diçka. Më mirë vonë se kurrë“, përfundon kreu i futbollit spanjoll
