Emri Cristiano Ronaldo nuk është i panjohur në librin e rekordeve të futbollit.
Mund të përmendim cdo rekord të mundshëm dhe me gjasa ai do t’i përkasë Cristiano Ronaldos dhe Lionel Messit.
Nëse portugezi shënon ditën e diel kundër Brescias në shtëpi, ai do të shënonte në 11 ndeshje radhazi në Seria A, duke barazuar kështu rekordin e kampionatit që mbahet nga Gabriel Batistuta në sezonin 1993-94.
Portugezi deri më tani ka shënuar në 10-të ndeshje radhazi në kampionat, ecuri kjo më e mira në historinë e Juventusit. Rekordin e mëparshëm e mbante David Trerzeguet me 9-të ndeshje në vitin 2005.
Por nuk janë vetëm këto, në muajt e ardhshëm ai mund të arrijë disa nga rekordet më të mëdha në futboll.
- Ai mund të bëhet golashënuesi më i mirë për sa i përket skuadrave kombëtare. Ronaldo mban rekordin evropian me 99 gola për Portugalinë, por në rang botëror renditet vetëm pas sulmuesit të Iranit Ali Daei, i cili ka shënuar 109 gola mes viteve 1993-2006.
- Nëse Juventusi do të fitonte Ligën e Kampioneve këtë sezon, ai do të barazonte rekordin e Francisci Gento me 6 trofe.
- Ronaldo dhe Messi aktualisht ndajnë rekordin e Hat-Trick-ve në Ligën e Kampioneve me nga tetë. Mund Ronaldo të parakalojë rivalin e tij?
- CR7 është në ndjekje të rekordit të golashënuesit më të mirë të Juventusit në një sezon të vetëm. Ronaldo aktualisht numëron 24 gola ndërsa rekordi është 35 gola i cili mbahet nga Ferenc Hirzer në sezonin e largët 1925-26.
- Aktualisht Ronaldo renditet i dytë në golashënuesit më të mirë të Serisë A. Portugezi ka shënuar 20 gola ndërsa kryesimin e mban Immobile me 25 gola. Nëse ai fiton Këpucën e Artë në Serinë A, ai do të bëhej lojtari i parë në histori në 5 ligat më të mira në Europë që fitonte këtë cmim në tre kampionate të ndryshme.
