Cristiano Ronaldo shpëtoi mbrëmjen e Juventusit, teksa me anë të një penalltie të cilën e fitoi po vetë, arriti të barazonte rezultatin në 1-1.
Por gjithsesi, rasti në fjalë u kontestua duke u cilësuar si një vendim shumë i ashpër kundër Milanit në atë fazë të lojës.
Por trajneri i Juventusit, Mauricio Sarri, në konferencën për shtyp pas ndeshjes, komentoi rreth këtij momenti duke deklaruar se me rregullat aktualë penalltia ishte e drejtë.
“Penallti ishte, sepse ekziston një krah i hapur. Po ju them se nuk më pëlqejnë rregullat e tanishme, por nëse rregullat janë këto, duhet t’i pranojmë, po të marrim rastet kishte edhe një penallti ndaj Cuadrados dhjetë minuta më parë”. – tha mes të tjerash Sarri.
