Mesfushori i Barcelonës Ivan Rakitiç, deklaron se Miralem Pjaniç është një nga futbollistët më të nënvlerësuar në botën e futbollit.
Në intervistën e dhënë për “Bleacher Report”, ai gjithashtu ka thënë që do ishte i lumtur të luante në një ekip me Cristiano Ronaldon, por për sa i përket titullit e futbollistit më të mirë të të gjitha kohërave emri i tij është vetëm Lionel Messi.
“Për mua një nga futbollistët më të nënvlerësuar në botën e futbollit është MIralem Pjaniç. Jose Mourinho ka thënë që unë jam më i nënvlerësuar por për mua është Pjaniç”.
Messi? “Ai është lojtari më i mirë i të gjitha kohërave dhe është fantastike të luash përkrah tij”.
Ju dhe Ronaldo në një ekip? “Sigurisht që do të më pëlqente të luajë me Ronaldon, ai është një nga futbollistët më të mirë të të gjitha kohërave. Ke kënaqësi ta shohësh kur luan dhe të gjithë po e shohin çfarë po bën te Juventusi”.
