Kate Middleton gjithmonë e mban në gisht unazën e saj të martesës. Por ajo që u ka bërë përshtypje të gjithëve është fakti se pse Princi William nuk e vendos atë kurrë?
Duka i Kembrixhit, i cili u martua me Kate në vitin 2011, zgjodhi të mos e vërë unazën e martesës për një arsye shumë të thjeshtë dhe nuk ka asnjë lidhje me rregullat e shtëpisë Windsor.
Që para se çifti të martohej, zyrtarët e Buckingham Palace njoftuan se William nuk do ta vendoste unazën pas dasmës mbretërore. Princi William nuk është një burrë i bizhuterive. Një funksionar i pallatit ka shpjeguar:
“Duka i Kembrixhit nuk i ka qejf bizhuteritë dhe për këtë arsye, nuk ka vendosur ndonjëherë. Ka vendosur që të mos i vërë as pas martese. E gjitha varet nga preferencat personale dhe William e Kate e kanë diskutuar atë privatisht”.
E vendos ose jo unazën, të gjithë e dinë që ai është i martuar. Rreth 2 miliardë njerëz janë mbërthyer para ekranit për të ndjekur dasmën.
