Njoftimi i rremë “fundos” të riun, çfarë ndodhi me 25-vjeçarin

Një 25-vjeçar është vënë në pranga, pasi akuzohet për veprën penale “Armëmbajtja pa leje”. Bëhet fjalë për shtetasin me iniciale A.M.

Sipas policisë, ky shtetas i kishte njoftuar se “afër banesës së tij ndodhej një automjet dhe dyshonte se kishte shkuar për të vjedhur në banesën e këtij shtetasi, por pas kontrollit të ushtruar në automjetin e dyshuar që pretendohej nga 25-vjeçari nuk ka rezultuar asnjë problem”.

Shërbimet e Policisë, bazuar në veprimet dhe thëniet kontradiktore të shtetasit A. M., policia e ka mbajtur nën vëzhgim prej disa orësh dhe në aksin rrugor Sharke -Vorë kanë ndërhyrë duke e kontrolluar 25-vjeçarin.

LEXO EDHE  Berisha reagon pas lajmit të BoldNews: Mafia në veprim!

Gjatë kontrollit fizik atij iu gjet një armë zjarri pistoletë, me një krehër me fishekë luftarak, të cilat u sekuestruan në cilësinë e provës materiale.

Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.