Ndeshja e vitit 2017 mes Floyd Mayweather dhe Conor McGregor ka qenë një nga më fitimprurëset të historisë së sporteve luftarake.
Mayweather e fitoi pa shumë vështirësi ndeshjen me nokaut teknik dhe që prej atij momenti thashethemet për një revansh nuk kanë pushuar.
Gjatë një interviste të ditëve të fundit, Mayweather shprehet se revanshi është i mundur, por mund të vijë në një mënyrë që askujt nuk do t’ia priste mendja.
Kjo pasi boksieri i pamposhtur i ka ofruar një ide tepër origjinale presidentit të UFC, Dana White.
Ai ka kërkuar të ndeshet me McGregor dhe Khabib Nurmagomedov në të njëjtën ditë.
“Kam folur për tu ndeshur me Khabib dhe Conor në të njëjtën ditë. Khabib gjatë ditës dhe Mcgregorin gjatë natës, paguani ndoshta 250 dollarë dhe shikoni të dyja ndeshjet”. – ka thënë Mayweather.
