Aktori i njohur shqiptar, Agim Bajko është emëruar drejtor i Teatrit të Kukullave. Vendimi është marrë në mbledhjen e Këshillit të Ministrave një ditë më parë.
Para disa muajsh, Agim Bajko lajmëroi mbylljen e emisionit të tij satirik “Bypass Show”, të cilin e drejtonte prej disa vitesh.
Por komediani i njohur nuk qëndroi gjatë pa punë.
Vendimi i qeverisë:
Vendim për emërimin në detyrë të drejtorit të Qendrës Kombëtare të Kulturës për Fëmijë dhe Teatrit të Kukullave
Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, ‘Për artin dhe kulturën’, të ndryshuar, me propozimin e ministrit të Kulturës, Këshilli i Ministrave
VENDOSI:
Z. Agim Bajko emërohet Drejtor i Qendrës Kombëtare të Kulturës për Fëmijë dhe Teatrit të Kukullave.
Ky vendim hyn në fuqi menjëherë dhe botohet në ‘Fletoren zyrtare’.
