Pas dy ndeshjeve vajtje-ardhje mes Partizanit dhe Besëlidhjes, lezhjanët dolën të fituar duke eliminuar “të kuqtë” nga Kupa e Shqipërisë me rezultatin e përgjithshëm 4-3.
Si të mos mjaftonte kjo, për Partizanin vjen një tjetër lajm i keq. Mbrojtësi rumun Deian Boldor u dëmtua 10 minuta përpara fundit në sfidën ndaj lezhjanëve.
Boldor shqetësimin e kishte në kavilje dhe gjasat janë që të mos jetë diçka e lehtë, pasi u pa të dilte nga fusha me ndihmën e stafit.
Shenjat e para nuk duken pozitive, por diagnoza e saktë do të zbulohet pas një kontrolli të specializuar.
