Martesës mes producentit Jon Peters dhe aktores Pamela Anderson i erdhi fundi 12 ditë pas.
74-vjeçari e la Pamelën me antë të një sms-je. Ndërkohë në një intervistë për revistën ‘Page Six”, ai tregoi edhe arsyen e ndarjes, “I lashë gjithçka Pam. Kishte 200 mijë dollarë borxhe dhe ia pagova. Nuk ka gjë më të keqe se një plak budalla”.
Peters deklaroi se kishte qenë gjithmonë i dashuruar me Pamelën. Ata kanë qenë miq prej 35 vitesh dhe në 20 janar, u martuan në fshehtësi në Malibu, për tu ndarë 12 ditë më vonë.
“E dashur Pamela, nëntë ditët e fundit ishin një histori dashurie e mrekullueshme, por kjo martesë e bërë me avokatë dhe borxhe më ka trembur. Kuptova se në moshën 74-vjeçare, kam nevojë për një jetë të qetë dhe jo për një dashuri kopertinash. Mendoj se gjëra më e mirë që mund të bëj është të largohem disa ditë. Ndoshta edhe për ty do të ishte më mirë të ktheheshe në Kanada. Besoj se të dy kemi nevojë për të ecur në rrugë të ndara. Shpresoj që ti të më falësh”– shkruante Peters në mesazhin që i ka dërguar aktores.
