Kapiteni i Lacios, Senad Luliç, pritet t’i nënshtrohet operacionit në këmbën e majtë dhe do të qëndrojë jashtë fushave për më shumë se një muaj.
Luliç ka vuajtur nga dëmtimi në kyçin e këmbës gjatë gjithë sezonit, ndërsa goditja që mori gjatë ndeshjes Veronës javën e kaluar e përkeqësoi shkallën e dëmtimit.
“La Gazzetta dello Sport”, pretendon se operacioni është i domosdoshëm për rikuperimin e plotë të boshnjakut.
Këtë sezon Luliç është aktivizuar në 21 ndeshje për skuadrën e Lacios në të gjitha kompeticionet duke qenë një shtyllë e mesfushës.
