Analisti Baton Haxhiu, i njohur për qëndrimet pro Edi Ramës dhe miqësinë me të, paralajmëroi mbrëmjen e djeshme në Opinion se Gramoz Ruçi po shkon drejt pensionit politik.
Haxhiu gjithashtu u shpreh se ka një përplasje me Ramës dhe Gent Cakaj, i cili u suportua nga analisti për të marrë postin e ministrit të Jashtëm, por nuk u dekretua nga Presidenti, ndaj dhe kjo detyrë iu delegua nga Kryeministri, i cili zyrtarisht mban edhe pozicionin e kreut të diplomacisë shqiptare.
Analisti nga Kosova ka mbrojtur Edi Ramën, duke e cilësuar si korrekt dhe që pranon mendimet e kundërta.
“Unë realisht i kam marrëdhëniet shumë të mira me mikun tim Edi Rama, por me kryeministrin Rama nuk do më thënë që pajtohemi gjithmonë …dhe nuk i ndërhyj askujt në punët e tij profesionale, por mesa di unë subordinimi në qeverinë Rama është korrekt dhe ju lejohet njerëzve të tjerë të kenë dhe mendim kundër.
Të gjithë ata që mendojnë se Rama është autoritar plotësisht është autoritar vetëm në pika ku ai është i sigurt dhe ku ai përfaqëson idenë e tij dhe vizionin e tij
Mendoj se posti i tij si kryetar i Parlamentit është një pension politik, për t’i dhënë fund karrierës në politikë”, theksoi Haxhiu.
