Legjenda e basketbollit, Kobi Brajant dhe vajza e tij, 13-vjeçare Xhana janë varrosur në një ceremoni private në Kaliforni.
“Vanessa dhe familja donin një ceremoni mortore private për varrosjen e të tyre. Ceremonia ishte jashtëzakonisht e vështirë për të gjithë pasi po varrosnin dy të dashurit e tyre”, tha një burim për ET.
Babë e bijë vdiqën së bashku me 7 persona të tjerë si pasojë e një aksidenti me helikopter në 26 janar.
Përveç funeralit privat, më 24 shkurt do mbahet një memorial publik në Los Angeles për të nëntë viktimat e aksidentit tragjik.
