Deputeti i “opozitës së re” Kujtim Gjuzi tha sot gjatë seancës parlamentare se ai nuk rri kot, por punon. Madje për shkak të punës, i ka dhënë dorën edhe Presidenti i Parlamentit Evropian, David Sasoli.
“Pse do thoni ju që nuk punojmë ne, ne punojmë dhe bëmë që të vinte Presidenti i Parlamentit Evropian dhe të na jepte dorën. Pse more ç’a kujtuat ju se nuk do ma jepte dorën mua Presidenti, ja dha Bushati dhe mua, nuk do ja jepte vetëm Ruçit”, tha Gjuzi.
Në vijim ai shtoi se “punojmë deri në orët e vona, po deshet dhe natë për natë jemi aty tek zyrat tona në Kryesinë e Kuvendit”.
Më herët, Gjuzi kërkoi që në çdo komision parlamentar të vendoset flamuri kombëtar.
“Sot jemi në Tiranën 100 vjet. Prandaj do ju kërkoja nuk dua si parti konservatore, si deputet i këtij Kuvendi të shoh komisione që i mungon flamuri shqiptar.
Nuk ka shanse më. Ka ardhur partia konservatore këtu 10 muaj më parë, e kam ruajtur flamurin e qëndisur nga familja e Kazaëve dhe Belishova e keni këtu. Ju zonja kryetare hajde merreni dhe vendosni në çdo institucion, komision.
Nëse Kujtim Gjuzi nuk do ta shohë do i kërkojë kryeministrit ta shkarkojë drejtorin në çdo sekondë. Është qëndisur me dorë”, tha ai
