135 vite burgim ka kërkuar prokuroria për 10 të pandehurit, të akuzuar si pjesë e një grupi kriminal italo-shqiptar që përdorte metoda mafioze dhe vepronte kryesisht në Viterbo.
Nga 20 vite burgim dhe 20 mijë euro gjobë për secilin, ka kërkuar akuza në Itali për Ismail Rebeshin dhe Giusepe Trovaton, të akuzuar si dy drejtuesit e grupit, ndaj të cilit rëndojnë akuza për trafik droge, armëmbajtje pa leje, kanosje, etj.
Pretenca për shqiptarët e tjerë: Spartak Patozi, 16 vite e 20 mijë euro gjobë. Shkëlzen Patozi i njohur si Zeni (vëllai i Spartakut), 14 vite burgim dhe 10 mijë euro gjobë. Sokol Dervishi (bashkëpunëtor i drejtësisë), i njohur si bishtaleci, 8 vite. Gazmir Gurguri, i njohur si Gazi, 10 vite e 8 muaj burgim.
Procesi ndaj 10 të pandehurve do të zhvillohet me gjykim të shkurtuar, ndërsa 3 të tjerë, kanë zgjedhur gjykimin e zakonshëm. Për ta, gjykimi është veçuar.
Prokuroria, në seancën e djeshme ka artikuluar se “Guiseppe Trovato ishte dikush që ‘zgjidhte problemet’, ndërsa Ismail Rebeshi organizonte mënyrës si ta bënte. Trovato kishte metodologjinë e ‘ndragheda-s, Rebeshi me bashkatdhetarët e tij ishte krahu i dhunshëm”.
“Një grup i rrezikshëm, siç dëshmohet nga sjellja në dëm të palëve të ofenduara, të aftë për të nxitur frikë dhe nënshtrim”, citohet nga mediat lokale prokuroria, duke insistuar se provohet ekzistenca e përdorimit të metodave mafioze.
Grupi u godit në 26 Janar 2019 nga Drejtoria Antifmafia e Romës, që në kuadër të operacionit “Erostrato” arrestoi 13 persona.
/BoldNews/
