Cili do të ishte bashkëpunëtori më i mirë për qeverinë e re të Kosovës, kur flitet për mirëqënien e qytetarëve në të dyja vendet: Edi Rama po Lulzim Basha? Pyetja shtrohet në një ditë kur, kryeministri kosovar Albin Kurti gjatë një vizite blic në Tiranë, diskutoi pikërisht për ekonominë dhe mirëqënien, si me Kryeministrin Edi Rama ashtu edhe me liderin e opozitës, Lulzim Bashën.
Oriola Pampuri, ish-deputetja e PD-së, në intervistën që dha në SYRI.TV, analizoi vetëm një fakt për të dalë në konkluzion:
“Unë shikoj një krahasim që nuk ka të krahasuar! – tha Pampuri. – Sepse Rama u provua tashmë. Rama erdhi me një premtim të madh që ishte 300 mijë vende pune dhe ato i përktheu në shumë e më shumë se 300 mijë persona, që vendosën të lënë Shqipërinë për arsyen se nuk kishin një vend pune!
Rama nuk ka ç’premton më dhe nuk ka pse të bëhet pjesë e një bashkëpunimi që do të cedonte nga ana e Ramës, kështu që shikoj zotin Basha si një mundësi për të qenë pjesë e bashkëpunimit, për të nxitur punësimin dhe bashkëpunimin e frytshëm me Kosovën.
