Një aksident i rëndë ka ndodhur këtë mbrëmje në Buçimas të Pogradecit. Sipas informacioneve paraprake, një automjet ka përplasur një këmbësore 18 vjeç.
Identiteti i saj ende nuk bëhet me dije por mësohet se është transportuar me ambulancë drejt spitalit për të marrë ndihmë mjekësore.
Policia dhe grupi hetimor ndodhen në vendngjarje për të zbardhur rrethanat dhe shkaqet e aksidentit.
Bëhet me dije se drejtuesi i mjetit është shoqëruar në komisariat për veprime të mëtejshme hetimore.
Dyshohet se shkak i aksidentit është bërë shpejtësia tej normave të lejuara, çka e ka bërë të pamundur shmangjen e aksidentit.
