Ish deputetja e Partisë Demokratike, Albana Vokshi në një postim në rrjetin social Facebook, denoncon kushtet skandaloze në Urgjencën e QSUT-së në kryeqytet. Sipas saj, miliona euro shkojnë çdo muaj për oligarkët e qeverisë, por në spitale nuk ka asnjë shërbim. Vokshi thotë se urgjenca është kthyer në një tmerr pa fund, ku qindra pacientë presin me orë të tëra për të marrë një shërbim, ulërasin nga dhimbjet dhe ku një shtrat është kthyer në një dëshirë të paarritshme.
Postimi i plotë
“Urgjenca e QSUT një tmerr pa fund”. Albana Vokshi denoncon situatën e rëndë: Miliona Euro cdo muaj që shkojnë PPP për oligarkë e klientë të Qeverisë, por asnjë shërbim për qytetarët. Për këdo që ka një hall me një të sëmurë këto ditë, #urgjenca e #QSUT është shndërruar në një tmerr pa fund.
Qindra pacientë që presin me orë e orë të tëra pa marrë asnjë shërbim mjekësor; që ulërasin nga dhimbjet e bërtasin duke kërkuar shërbim. Një shtrat është kthyer në një dëshirë të paarritshme.
Nuk ka as karrike për pacientët që përfundojnë ulur në shesh. Injeksionet dhe analizat e gjakut në rastin më të mirë bëhen në karrike, duke rënkuar nga dhimbjet që nuk kurohen.
Miliona Euro cdo muaj që shkojnë PPP për oligarkë e klientë të Qeverisë, por asnjë shërbim për qytetarët.
Kjo eshte shendetesia #falas e Edi Ramës
