Ditën e sotme luhen 5 takime të vlefshme për javën e 23-të të La ligës.
Kështu në fushë zbresin dy pretendentët për titull, Reali i Madridit dhe Barcelona. “Los Blancos” luajnë në trasnfertën e Osasunës dhe vijnë pas 4 fitoreve radhazi në kampionat.
Duke përjashtuar atë eliminim nga Kupa e Mbretit nga ana e Real Sociedad, skuadra e Zidane ka zhvilluar një sezon solid duke qenë dhe në kryesimin e tabelës me tre pikë avantazh ndaj rivalit direkt për titull.
Ndërsa Barcelona nga ana tjetër ishte në vështirësi në n drejtimin e Ernesto Valverdes por duket se situata nuk ka ndryshuar aspak me ardhjen e Quique Setien në stolin drejtues. Skuadra ndodhet përpara paqartësive të mëdha në fushën e lojës dhe në aspektin drejtues të saj.
Gjithsesi diferenca me Realin është vetëm tre pikë dhe sot kundër Betis në transfertë do të kërkojnë që të kthejnë situatën në favor të tyre.
