Një tragjedi ka ndodhur në një familje në SHBA, ku një nënë është djegur e gjallë së bashku me 6 fëmijët e saj.
Banesa e tyre në Misisipi u përfshi nga flakët dhe ata nuk mundën dot të dilnin prej aty.
Nga tragjedia mbeti i plagosur edhe kryefamiljari, i cili u përpoq me të gjitha mënyrat për të shpëtuar familjen e tij. Fatkeqësisht ai nuk ndodhej aty në momentin e zjarrit.
Ai u transportua në spital, ku u konstatua se kishte marrë djegie të shumta në trup. Gjendja e tij shëndetësore ende nuk dihet.
Mediat amerikane shkruajnë se ai nuk dëshironte të largohej nga skena, pasi ndjehej tepër i trishtuar dhe shokuar për fatin tragjik të familjes së tij.
Viktimat e kësaj tragjedie janë: 33-vjeçarja Brittney Presley dhe fëmijët e saj, Landon Brookshire, 15-vjeç, Lane Presley, 13-vjeçe, Lawson Presley, 12-vjeç, Grayson Presley, 6-vjeç, Malcom Presley, 4-vjeç, dhe Felicity Presley, vetëm 1-vjeçe.
Zjarri shpërtheu pak pas mesnatës, ndërsa zjarrfikësit mundën ta vinin nën kontroll pas 45 minutash. Ende nuk dihen shkaqet e zjarrit, ndërsa autoritetet kanë nisur një hetim për të zbardhur më tej ngjarjen.
