Bayern Munich dhe Leipzigu luajnë ndaj njëra-tjetrës në orën 18:00, në ndeshjen e vlefshme për javën e 21-të të Bundesligës gjermane.
Rënia e lirë e skuadrës së Julian Nagelsmann në javët e fundit i dha mundësinë Bayernit të Flick ta parakalonte në renditje skuadrën nga Gjermania Lindore. Me një fitore sot bavarezët do të shkëputeshin në +4 nga Leipzig dhe në +6 nga Dortmundi prandaj kjo sfidë ka shumë vlerë për Bayernin.
Nga ana tjetër Leipzig-u, me një fitore do të rimerrte sërish kryesimin e tabelës dhe do të vendoste sërish kandidaturën për titull ndërsa me një hap fals mund t’i thonë lamtumirë këtij objektivi.
